భారత్ రూపొందించిన విధ్వంసకర బ్రహ్మోస్ క్షిపణిని కొనుగోలు చేసేందుకు అనేక దేశాలు ఆసక్తి చూపిస్తున్నాయి. అయితే ప్రస్తుతానికి రక్షణాత్మక వర్షెన్ను మాత్రమే అందించాలని భారత్ నిర్ణయించినట్టు సంబంధిత వర్గాలు 'ఈటీవీ-భారత్'కు తెలిపాయి.
"దక్షిణాఫ్రికా నుంచి దక్షిణ అమెరికా వరకు అనేక దేశాలు భారత్ను సంప్రదిస్తున్నాయి. కానీ ఇప్పటికైతే భూమి నుంచి సముద్రంలో ఉన్న లక్ష్యాలను ఛేదించగలిగే క్షిపణి మాత్రమే అమ్మకానికి ఉంది. దీనినే డిఫెన్సివ్ వర్షెన్ అని అంటారు. స్వీయ రక్షణ కోసం దేశాలు దీనిని కొనుగోలు చేయవచ్చు. విమానం, నౌక, జలాంతర్గామి నుంచి ప్రయోగించే క్షిపణి(అఫెన్సివ్ వర్షెన్)ని ప్రస్తుతం భారత్ అమ్మడం లేదు."
--- అధికార వర్గాలు.
ఫిలిప్పీన్స్ దేశంతో బ్రహ్మోస్ అమ్మకానికి ఒప్పందం కుదిరిందని ఇటీవలే వార్తలు వచ్చాయి. అయితే అనేక దేశాలు తమను సంప్రదిస్తున్నాయని, ఫిలిప్పీన్స్తో ఇంకా ఏ ఒప్పందం కుదరలేదని అధికార వర్గాలు స్పష్టంచేశాయి.
బ్రహ్మోస్లో ఎన్నో వేరియంట్లు ఉన్నాయి. భూమి, సముద్రం, ఆకాశంలో ప్రయోగించే సదుపాయంతో పాటు హైపర్సానిక్ వర్షెన్ కూడా అభివృద్ధి చేస్తున్నారు శాస్త్రవేత్తలు. మంగళవారం.. భూమి నుంచి భూమి మీద ఉన్న లక్ష్యాలను చేధించే బ్రహ్మోస్ సూపర్‌ సోనిక్ క్షిపణిని రక్షణ పరిశోధన అభివృద్ధి సంస్థ(డీఆర్డీవో) విజయవంతంగా పరీక్షించింది.
(రచయిత: సంజయ్ బారువా, సీనియర్ పాత్రికేయులు)
ఇదీ చూడండి:- బ్రహ్మోస్తో టార్గెట్ చేస్తే.. 4వేల కి.మీ దూరమైనా ఫట్
